编辑：黄清秀摄影：柯文雯
有次去珠影星光城，就被呢栋建筑吸引，果阵时就听朋友讲呢度专注于做比利时地道美食，因为未试过就一直记系心中，趁周末一有时间就约左朋友过去试试，作为广州唯一一间比利时餐吧，出品果然上乘！！！相当足料，价钱实惠，环境一流，三个字：五粒星！！！
好中意室外餐位，感觉特别亲近大自然！值得一提，呢度系开放式厨房，厨房卫生情况一目了然，食起身特别放心！
因为“比利时餐吧”其中一个老细系做欧美进口食材嘅，可以摞到第一手新鲜进口食材，而且高薪聘请意大利厨师做行政主厨，务求出品地道美味，二话不说即刻试试先！！！
美食
比利时著名美食之一：青口。见到每张台都有份青口，于是我都点左份试试，果然一流！！！最传统做法—白葡萄酒煮青口，食材够晒新鲜，即使清煮都好鲜甜！！！搭配蒜蓉包，食完青口，将包浸入浓汤再食，听讲呢种系当地嘅传统食法。
呢个魔鬼披萨有厚厚一层新鲜水牛芝士铺面，一上台浓香就扑鼻而来！！！纯手工薄脆饼底，辣香肠、番茄酱同辣油搭配，一入口味蕾即刻受冲击，十分过瘾，味道独此一家，去到必点！
烤啤酒香肠系我目前为止食过最为实心嘅香肠，胀卜卜，摞刀切开会有爆破感，入口肉质厚实细腻嫩出汁，香味浓郁，同我地平时食到嘅香肠好唔同！
强烈推荐呢道白贝天使面（白葡萄酒汁），味道好特别，原来系加左法香呢种草本植物，特别清新，睇图就知劲多白贝，足料程度必须点赞！
天使面系最幼细嘅意粉，呢种搭配都系有讲究嘅，面身幼细更好吸收醇厚嘅汤汁，可以讲精华全部系D面入边，到家阵都无法忘记果种美味！！！
意式辣番茄汁意粉加鸡肉，酱汁特别调制过，微辣微酸微甜岩岩好！鸡肉大大块，而唔系鸡肉粒，赞！
香辣炸鸡翅，好脆口，第一次尝试用中式鸡翅搭配香草奶酪酱，可能我大乡里出省城，感觉好特别，哈哈哈！
啤酒
黎到“比利时餐吧”，绝对唔可以错过呢度嘅啤酒！！！有所不知，原来比利时啤酒系比德国啤酒更为出名，识饮嘅人都会拣前者，因为全程手工制作，气味、口感等等其他国家啤酒系无法比拟！！！呢度有32种从比利时进口翻黎嘅地道啤酒，绝对系广州比利时啤酒最全嘅地方！！！
比利时最为出名嘅啤酒莫过于“修道院”，全世界六种“修道院啤酒”，呢度就有四款！！！CHIMAY被认为系全世界最特别嘅啤酒之一，麦芽香味独特足以绕鼻三日，蓝标、红标、白标三种呢度全部齐晒，蓝标更是CHIMAY顶级之作！
斟白熊啤酒好有讲究，先摇酒瓶，沉淀系瓶底嘅酵母同酒完全融合，入口口感醇美，格外新鲜，随之而来嘅系甜橙和柠檬的香味，清爽怡人！！！
除左以上两款，比利时餐吧仲有水果酒等等其他啤酒，果香味外加淡淡酒味，最岩女仔饮！
同朋友仔一边食一边倾计，时间过得特别快，食完已经晚黑，意外发现此时此刻嘅“比利时餐吧”更为迷人！欧美风格嘅三层建筑，入夜之后更为独树一帜，迷人外观令人忍唔住会摞出手机狂拍，如果唔系有中国人经过，真系会以为自己去左外国！
比利时餐吧，试过之后对佢地嘅出品相当留恋！食材全部新鲜进口，无需走出国门就可以食到异国美食！32种比利时啤酒，全世界六款“修道院啤酒”，呢度就有四款！值得一赞嘅仲有佢地嘅环境，好舒服，食饭聚会都适合，室外有大投影，晚黑睇波一流！我就未去过比利时啦，不过当晚同一外国友人倾计，得知佢平时好中意黎“比利时餐吧”解决三餐，皆因出品相当地道正宗，即使每日从天河过去都值得！
店名：比利时餐吧（BRUSSELSBelgianBeerCafe）
转载请注明：http://www.0431gb208.com/sjslczl/84.html
